Ermənistan hökuməti dövlət borcunun artırılmasına qərar verib.

Axar.az xəbər verir ki, bu barədə informasiyanı “Joxovurd” qəzeti yayıb.

“Yeni kredit razılaşması Maliyyə Nazirliyi, Almaniya İnkişaf Bankı və Dövlət Su Təsərrüfatı Komitəsi arasında imzalanacaq. Kreditin dəyəri 18,5 milyon avro olacaq. Bu kredit sayəsində İrəvan Kapsi su anbarında təmir işləri apara biləcək. Kredit 5 ili güzəştli olmaqla, 15 il müddətinə veriləcək. Onun istifadəsinə 2023-cü ildən başlanacaq”, – deyə qəzet bildirib.

Qeyd edək ki, Ermənistanın dövlət borcu 6,4 milyard dolları keçib. Bu göstərici indiyə qədər ölkə tarixində qeydə alınmayıb.