Rza Zərrabın maliyyə fırıldaqları ilə bağlı keçirilən məhkəmə prosesində “Xalqbank”ın keçmiş sədr müavini Hakan Atilla şahid qismində ifadə verəcək.

Axar.az xəbər verir ki, həbs olunduğu 27 mart tarixindən bəri Atilla prokurorluqla əməkdaş etməyəcəyini bildirsə də, bu günlərdə vəkillərinin israrından sonra prokurorluqla əməkdaşlığa razılıq verib.

Belə ki, o, prokuror köməkçilərinin suallarını cavablandıracaq.

Qeyd edək ki, bir müddətdir Rza Zərrab 2010-2015-ci ildə İranın ABŞ sanksiyalarından yayındırılması, eləcə də digər maliyyə fırıldaqları ilə bağlı prokurorluqla əməkdaşlıq edərək şahid qismində dindirilir.