İslam Əməkdaşlıq Təşkilatının (İƏT) Şərqi Qüdsü Fələstinin paytaxtı kimi tanıması ABŞ-ın Qüdslə bağlı qərarı ilə bağlı deyil.

Axar.az xəbər verir ki, bu açıqlama ilə Türkiyə prezidentinin sözçüsü İbrahim Qalın çıxış edib.

"Bu günə qədər bir çox ölkə, biz də daxil olmaqla, faktiki olaraq Şərqi Qüdsü Fələstin dövlətinin paytaxtı olaraq tanımışıq. ABŞ-ın Qüdslə bağlı qərarını da yalnız 57 ölkə deyil, Avropa, Latın Amerika və Asiya ölkələrinin də demək olar ki, hamısı rədd edib. ABŞ-ın yalnızlaşma prosesi var. Təkbaşına bu qərarı verdi. Bunu qlobal miqyasda onlar da təhlil etməlidir", - Qalın söyləyib.