Ramallahda fələstinli bir nümayişçi İsrail əsgərləri tərəfindən vurulub.

Axar.az xəbər verir ki, bu barədə NTV informasiya yayıb.

Hadisə fələstinli nümayişçinin İsrail əsgərlərinə hücumu ilə başlayıb. Jurnalistlərdən sadəcə bir neçə metr uzaqlıqda baş verən hadisə zamanı İsrail əsgərləri nümayişçiyə atəş açıblar. Təcili tibbi yardım maşınına yerləşdirilən yaralı fələstinlinin xəstəxanaya aparılmasına mane olan İsrail əsgərləri ilə nümayişçilər arasında qarşıdurma alovlanıb.

Qeyd edək ki, Donald Trampın Qüdsü İsrailin paytaxtı olaraq tanımaq qərarına qarşı etiraz nümayişləri İsrail əsgərlərinin nümayiş iştirakçılarına sərt müdaxiləsi fonunda baş tutub.