ABŞ-ın Rusiya Prezidenti Vladimir Putinin ətrafına qarşı tətbiq etdiyi yeni sanksiyalar siyahısı Rusiyanı məcbur edəcək ki, Donbasdan çıxsın.

Axar.az xəbər verir ki, bunu “İnter” televiziyasına müsahibəsində Ukrayna Xarici İşlər naziri Pavel Klimkin söyləyib.

“Yeni sanksiyalar sayəsində təkcə Rusiyanın yox, həm də bir çox rus oliqarxın da aktivləri dərc olunacaq. Hesab edirəm ki, bu, Rusiya üçün çox güclü silkələnmə olacaq. Bu, Donbasın normal həyata və hüquqi olaraq tərkibimizə qayıtmasına yardım edəcək”, – deyə o bildirib.

Qeyd edək ki, ABŞ-ın Rusiyaya qarşı yeni sanksiyaları fevral ayından qüvvəyə minəcək. Yeni sanksiyalar Rusiyanın neft və silah sferasını əhatə edəcək.