Ana səhifə Planet |
Suriyanın Hasekə vilayətindəki qaçqın düşərgəsində ABŞ Bəşər Əsəd rejiminə qarşı xüsusi qüvvələrin hazırlanması üçün baza tikib.
Axar.az xəbər verir ki, bu barədə informasiyanı Rusiyanın Suriyadakı Düşmən Tərəflərin Barışdırılması Mərkəzi yayıb.
“Bu düşərgə Cisr əş-Şəddadi şəhərindən 20 kilometr məsafədə yerləşir. Beynəlxalq koalisiya buradan təxminən yarım ildir döyüşçülərin hazırlıq bazası kimi istifadə edir. Rusiya Müdafiə Nazirliyinin məlumatına görə, bazada olan 750 nəfərdən 400 nəfəri İŞİD üzvüdür. Onlar oktyabrda ABŞ-ın köməkliyi ilə Rakkanı tərk edən İŞİD-çilərdir.
Amerikalı təlimçilərin rəhbərliyi ilə parçalanmış döyüşçülərdən təlim mərkəzində yeni hərbi birləşmə yaradılır. Bu birləşmənin adı isə Yeni Suriya Ordusu olacaq. ABŞ bu birləşməni gələcəkdə Suriyanın cənubuna göndərməyi və burada Əsədin döyüşçülərinə qarşı qaldırmağı planlaşdırır”, – deyə mərkəzin məlumatında bildirilib.
Tarix
2017.12.16 / 11:34
|
Müəllif
İlkin Həsənov
|