ABŞ-ın Qüdsü İsrailin paytaxtı elan etməsi Əlcəzairin bir neçə şəhərində etirazlara səbəb olub.

Axar.az xəbər verir ki, keçmiş baş nazir Əbdüləziz Bilhədəm, siyasətçilər, millət vəkilləri, tələbələr və xeyli sayda insanın iştirak etdiyi etiraz aksiyasında ABŞ əleyhinə şüarlar səsləndirilib. Onlar qərar qarşısında səssiz qalmayacaqlarını və Qüdsün heç bir zaman yəhudilərin paytaxtı olmayacağını söyləyiblər.

“Bu insan sıxlığı Fələstin üçün edə bildiyimiz ən balaca yaxşılıqdır”, - deyə Bilhədəm qeyd edib.

Qeyd edək ki, ABŞ Prezidenti Donald Trampın Qüdsü İsrailin paytaxtı kimi tanımasından sonra bir çox ölkədə bu qərara etiraz olaraq aksiya təşkil edilir.