İranın keçmiş prezidenti Əli Əkbər Haşimi Rəfsəncaninin cəsədində radiasiya normadan 10 qat çox olub.

Axar.az xəbər verir ki, bu barədə məlumatı Rəfsəncaninin qızı Faizə Haşimi verib. O bildirib ki, İranın Ali Milli Təhlükəsizlik Şurasının bəzi üzvləri ilə aparılan danışıqlar zamanı məsələ aydın olub. Faizə Haşimi atasının ölümünün bununla əlaqədar olmadığını bildirərək dosyenin bağlandığını vurğulayıb.

Qeyd edək ki, İranın sabiq prezidenti Haşimi Rəfsəncani bu il yanvarın 8-də ürəyində yaranmış problemlə bağlı Təcriş xəsətxanasına yerləşdirilmişdi. Həkimlərin səyinə baxmayaraq, onun həyatını xilas etmək mümkün olmamışdı. Prezidentin qızı isə atasının anım mərasimində qaranlıq məqamların olduğunu bildirmişdi.