Ana səhifə Planet |
Dağıstan Respublikasının rəhbəri Ramazan Abdulatipovu müşayiət edən avtomobil korteji yolda adam vurub.
Axar.az "Layf nyus"a ("Life news") istinadən xəbər verir ki, hadisə "Uytaş" hava limanına aparan Mahaçqala-Kaspiysk magistralında baş verib. Hüquq mühafizə orqanı əməkdaşlarının verdiyi məlumata görə, Abdulatipov şəhər kənarındakı "Anji-arena" futbol stadionu yaxınlığında yerləşən bağ evinə gedirmiş. Yolu keçməyə çalışan şəxs president kortejinin öndə gedən maşınının altında qalıb. Hadisə nəticəsində yerindəcə dünyasını dəyişən adamın şəxsiyyətini müəyyənləşdirmək mümkün olub. O, 1974 -cü il təvəllüdlü O.M.Sarafonovdur.
Xatırladaq ki, hadisəni Dövlət Yol Milisinin təbliğat şöbəsinin rəisi İsa Məhəmmədov da təsdiqləyib. Hazırda hadisənin baş vermə səbəbləri araşdırılır.
Tarix
2014.07.11 / 01:32
|
Müəllif
Elnur Elmanoğlu
|