Rusiya Suriyanın enerji müəssisələrini yenidən inşa etməyə hazır olan tək ölkədir.

Axar.az xəbər verir ki, bu sözləri Rusiya baş nazirinin müavini Dmitri Roqozin deyib.

Roqozin Dəməşqin başqa ölkələrlə işləmək istəmədiyini bildirib: "Suriya hökuməti Rusiya ilə işləmək istəyir, sadəcə Rusiya ilə. Ölkənin enerji obyektlərinin yenidən inşası ilə bağlı bu gün dövlət rəhbəri Bəşər Əsəd Suriyaya xəyanət edən ölkələrin şirkətləri ilə işləmək istəmədiyini söylədi".

Qeyd edək ki, Rusiya Baş nazirinin müavini Dmitri Roqozin Suriyaya səfər edib. O, səfər zamanı Suriya Prezidenti Bəşər Əsədlə görüşüb. Roqozin Rusiyanın Suriyadakı Hmeymim aviabazasında da olub.