ABŞ-ın kəşfiyyat qurumlarının rəhbərləri və baş prokuror Konqresə müraciət edərək, Vaşinqtona xarici ölkələrdə elektron izləmənin davam etdirilməsinə izn verilməsini istəyiblər.

Axar.az xəbər verir ki, bu proqramın 2008-ci ildə qəbul olunduğu və bunun sayəsində beynəlxalq terrorizm və kibercinayətkarlıqla effektiv mübarizə aparıldığı iddia edilir. Proqram bu ilin 31 dekabrında başa çatmalıdır.

“Proqram uzadılmasa, kəşfiyyat xaricdən dəyərli informasiyaları ala bilməyəcək. Bu isə terrorçulara, silah tacirlərinə, hakerlərə və digərlərinə amerikalılara qarşı hücum həyata keçirməyə imkan verəcək”, - müraciətdə bildirilib.