İsrail hökuməti səfirliklərin Qüdsə köçürülməsi və bu şəhərin İsrailin paytaxtı kimi tanınması üçün 10-dan çox ölkə ilə danışıqlara başlayıb.

Axar.az xəbər verir ki, bu sözləri İsrail Xarici İşlər nazirinin müavini Çipi Xotoveli jurnalistlərə açıqlamasında deyib.

“Bütün qitələrdən olan ölkələr var. Mən deyə bilərəm ki, 10-dan çox ölkə ilə danışıqlar aparırıq və balanslı siyasət yürüdürük”, - nazir müavini bildirib.

O qeyd edib ki, danışıqların aparıldığı bəzi ölkələr Avropada yerləşir.

Xotoveli əlavə edib ki, səfirliyini Qüdsə köçürməkdə istəkli olan ölkələrdən biri də Rumıniyadır və hətta bu ölkənin parlametində məsələ ilə bağlı müzakirələr olub.