Rusiya Baş Kəşfiyyat İdarəsi (QRU) 2014-cü ilin fevralında Maydanın ləğvi ilə bağlı Ukraynada geniş kampaniya başladıb.

Axar.az xəbər verir ki, bu barədə informasiyanı “Vaşinqton Post” qəzeti yayıb. Qəzet ələ keçirdiyi məxfi sənədlərə istinadən yaydığı məlumatda bu kampaniyanın həm də yeni Ukrayna hakimiyyətinə qarşı yönəldiyini bildirib:

“Məxfi hesabatda QRU-nun qruplarından birinin fəaliyyəti yer alıb. Belə ki, Yanukoviçin ölkədən qaçmasından sonrakı həftədə hərbi casuslar Feysbuk və Vkontakte səhifəsində yeni yalançı personajlar yaratmağa başladılar. Bu personajlar Ukraynadakı Maydandan narazı olan sadə insanları təmsil etməli idi. Kampaniyanın hədəfi qərar verən əsas şəxsləri və geniş kütlələri Maydana qarşı etirazlara cəlb edərək, onların rus hərbçilərinin 27 fevralda Krım parlamentini tutmasına haqq qazandırmasına çalışmaq idi”.