Gürcüstanın "Rustavi 2" telekanalının sabiq baş direktoru Erosi Kiçmarişvili Tiflisin Kipşidze küçəsində aldığı güllə yaralarından dünyasını dəyişib.

Axar.az-ın Gürcüstan mediasına istinadən xəbərinə görə, bu barədə onun mətbuat katibi xəbər yayıb. Vurğulanır ki, Kiçmarişviliyə silahlı basqın edilib.

Gürcüstan Daxili İşlər Nazirliyi faktı təsdiqləsə də, onun meyitini şəxsi avtomobilində tapdıqlarını deyiblər. Əlavə ediblər ki, onun yanında tapança olub. Nazirlik ilkin versiya kimi intihar halını göstərib.

Bu dəqiqələrdə Gürcüstan mediası yeni faktlar üzə çıxarıb. Belə ki, əksər ekspertlər sabiq baş direktorun ölümünü sifarişli qətl adlandırmağa başlayıblar. Həmin şəxslər vurğulayıb ki, Kiçmarişvili son zamanlar yerli "Maestro" telekanalının Rusiyanın nəzarətinə keçməyinə şərait yaratdığına görə sabiq Baş nazir Bidzina İvanişvilini ciddi tənqid edirmiş.