Ana səhifə Planet |
İraqın hazırki Baş naziri Nuri-Əl Maliki paytaxt Bağdadda həftəlik yığıncağını keçirib.
Axar.az xəbər verir ki, bir sıra ciddi məsələlərə toxunan Baş nazir gələcək haqda bədbin proqnozlar verib.
Onun sözlərinə görə, prezident kürd olmalıdır: "İraq prezidenti kürdlərdən seçilməlidir. Həm də ən qısa müddətdə. Bu post üçün seçiləcək kürd namizəd yetkin bir şəxsiyyət olmalıdır. Seçiləcək prezident və parlament sədri İraqın parçalanmasına və bölünməsinə mane olmalıdır".
Qeyd edək ki, Maliki çıxışında İraqın parçalanmasının qonşu ölkələrə də təsir edəcəyini açıqlayıb: "Təkcə İraq coğrafiyası bölünməyəcək. İraqın sərvəti də bölünəcək. Bu, qonşu ölkələrə çox ciddi təsir edəcək".
Xatırladaq ki, İraq əhalisinin 65 faizini ərəblər, 17 faizini kürdlər, 13 faizini isə Azərbaycan mənşəli türkmanlar təşkil edir.
Tarix
2014.07.16 / 18:11
|
Müəllif
Şəmsəddin Ənsar
|