Avropa Birliyi ABŞ Prezidenti Donald Trampın İran bəyanatını diqqətə alacaq.

Axar.az xəbər verir ki, bu barədə informasiyanı Avropa Birliyinin Xarici Siyasət Xidməti yayıb.

“Biz ilk addım kimi altılığa üzv olan Britaniya, Almaniya, Fransa və digər AB üzvləri ilə bu bəyanatı və onun nəticələrini dəyərləndirəcəyik. Biz əvvəlki kimi nüvə razılaşmasının tam və effektiv davam etdirilməsinə sadiqik”, – deyə məlumatda bildirilib.

Qeyd edək ki, bundan öncə ABŞ öncə İrana qarşı sanksiyaların ləğvi müddətini uzadıb. Tramp bundan az sonra bəyanat yayaraq, bunu İranla nüvə razılaşmasının davam etdirilməsi üçün sonuncu şans olduğunu bildirib. O, Avropadakı müttəfiqlərindən İranla nüvə razılaşmasına əlavələr edilməsini istəyib. Tramp həmçinin bu müddət ərzində heç bir əlavələ olmayacağı təqdirdə ABŞ-ın nüvə razılaşmasından çıxacağını bildirib.