Fransanın keçmiş mədəniyyət naziri və Ərəb Dünyası İnstitutunun prezidenti Jak Lanq ABŞ Prezidenti Donald Trampı “iyrənc prezident” adlandırıb.

Axar.az xəbər verir ki, Lanq Trampın Cənubi Amerika və Afrika ölkələrindən gələnləri təhqir etməsinə sərt reaksiya verib. Jurnalistlərə verdiyi açıqlamada Trampın bütün dünyada “iyrənc prezident” adlandırılmasını istədiyini bildirib. Lanq Haiti ve digər Afrika ölkələrini dəstəklədiyini də qeyd edib.

“Tramp hər gün kimlərisə təhqir edir və bu təhqirlər qəbuledilməzdir”,- deyə o əlavə edib.

Qeyd edək ki, bir müddət öncə ABŞ Prezidenti Donald Tramp Cənubi Amerika və Afrika ölkələrindən gələnləri təhqir edib.