21:43

Türkiyə Prezidenti Rəcəb Tayyib Ərdoğanın rəhbərliyi altında Milli Təhlükəsizlik Şurasının toplantısı keçirilib.

Axar.az xəbər verir ki, iclasda Afrində keçiriləcək əməliyyatın detalları müzakirə edildiyi bildirilib.

Ətraflı açıqlama verilməyib.

***

Ərdoğanın rəhbərliyi altında bu gün keçirilən TŞ-nin iclası 4,5 saat davam edib. İclasın yekunu olaraq, 5 istiqamətdə qərar qəbul edilib:

1. Ölkəmizin asayiş və təhlükəsizliyinə təsir edən daxili və xarici proseslər və Türkiyəni yaxından maraqlandıran beynəlxalq məsələlər nəzərdən keçirilib. Terrorla mübarizə bütün detalları ilə müzakirə olunub.

2. 2017-ci ildə mühüm hadisələr və 2018-ci ilə dair mümkün qədər irəli doğru addım atılması milli təhlükəsizlik siyasəti çərçivəsində müzakirə edilib.

3. Terror təşkilatlarının ölkəmizə qarşı açıq təhdidi gündəmdəykən, NATO damı altında və ikitərəfli münasibətdə olduğumuz ölkənin təhlükəsizliyimizi nəzərə almadan terrorçuları silahlandırmasını kədərlə qarşılayırıq.

4. İslam Əməkdaşlıq Təşkilatının İstanbulda keçirilən konfransında, BMT-də Şərqi Qüdsün Fələstinin paytaxtı olması bir daha təsdiqlənib.

5. Terror təşkilatları ilə mübarizə çərçivəsində tətbiq edilən fövqəladə vəziyyət qiymətləndirilib, demokratiyamızın, hüquqi dövlət prinsipinin və vətəndaşlarımızın hüquq və azadlıqlarının qorunmasına yönələn tədbirlərin davamlılığını təmin etmək üçün hökumətə fövqəladə vəziyyətin uzadılmasının tövsiyə edilməsi qərarlaşdırılıb.