Daha az təsir imkanına malik yeni nüvə silahı formalarının hazırlanması ABŞ-ın Rusiya və Çinlə müharibə riskini artırır.

Axar.az xəbər verir ki, bu iddia ilə “Nyusvik” jurnalı çıxış edib.

“ABŞ-ın yeni nüvə doktrinasında nüvə silahının yeni formasının yaradılmasına izn verilib. Buna səbəb isə ABŞ-ın öz hədəflərini gerçəkləşdirmək istəməsiylə bağlıdır. Belə ki, əgər Çin və Rusiyanın qarşısını almaq mümkün olmasa, Vaşinqton öz hədəflərinə çatmaq üçün yeni silahlardan yararlanacaq. Pentaqon hesab edir ki, hazırkı nüvə silahları kifayət qədər böyük və güclüdür və onu işdə tətbiq etməyin mümkün olmadığını hər kəs anlayır. Amma Vaşinqton kiçik təsir gücünə sahib olan nüvə başlıqları hazırlasa, digər ölkələrə bunu hər an tətbiq edə biləcəyini göstərəcək”, – məqalədə bildirilib.