ABŞ Prezidenti Donald Tramp xüsusi xidmət orqanlarına xarici ölkə vətəndaşlarını dinləməyə, onlar haqqında informasiya toplamağa izn verən qanunu imzalayıb.

Axar.az xəbər verir ki, bu barədə informasiyanı Tramp öz Tvitter səhifəsində paylaşıb. O bu qanun sayəsində amerikalıların təhlükəsizliyini gücləndirəcəyini bildirib.

Qeyd edək ki, 2017-ci ilin sentyabrında ABŞ Milli Təhlükəsizlik Agentliyinin dünyada 100 min xarici ölkə vətəndaşını dinlədiyi haqqında informasiya yayılmışdı. O zaman məlumat yayan CNN bunun sayəsində ölkəyə gələn təhdidlərin böyük əksəriyyətinin qarşısının alındığını bildirmişdi.