Əfqanıstanın paytaxtı Kabildə yerləşən “İnterkontinental Otel”ə silahlı hücum olub.

Axar.az xəbər verir ki, bu barədə məlumatı Türkiyənin “Sputnik”agentliyi yayıb. Məlumata görə, hücum edənlərin şəxsiyyəti məlum deyil. Hadisə nəticəsində çox sayda yaralı və ölünün olduğu, bir neçə nəfərin isə girov götürüldüyü bildirilib.

Həmçinin məlumat da o da qeyd edilib ki, əraziyə cəlb olunan hüquq-mühafizə orqanlarının əməkdaşları ilə terrorçular arasında atışma baş verən zaman otel terrorçular tərəfindən yandırılıb.

Qeyd edək ki, Kabildə əcnəbilər arasında ən məşhur olan “İnterkontinental Hotel” 2011-ci ildə də hücuma məruz qalmışdı. Həmin vaxt törədilmiş dörd partlayış nəticəsində 21 nəfər ölmüşdü.