Taliban yaraqlılarının Kabil şəhərində yerləşən otelə hücumu zamanı Əfqanıstanın Pakistanın Kəraçi şəhərindəki baş konsulu öldürülüb.

Axar.az xəbər verir ki bu barədə Əfqanıstanın Pakistandakı fövqəladə və səlahiyyətli səfiri Ömər Zahilval danışıb.

“Pişəvərdəki keçmiş baş konsulumuz, bu yaxınlarda Kəraçiyə baş konsul təyin olunmuş həmkarımız Abdulla Vahid ötən axşam Kabildə təşkil edilmiş terror hücumu zamanı qəddarlıqla öldürülənlər arasında olub”, - səfir bildirib.

Qeyd edək ki, Taliban yaraqlılarının hücumu nəticəsində ötən gün Kabildə yerləşən “İnterkontinental otel”ə hücum zamanı ən azı 18 nəfər öldürülmüşdü.