“Zeytun budağı” əməliyyatında Türkiyənin verdiyi ilk şəhid olan Musa Özalkanın vəsiyyəti qardaş ölkəni və bütün türk dünyasını qürurlandırıb.

Axar.az xəbər verir ki, Musa Özalkan əməliyyata yollanarkən vəsiyyət edib və yoldaşlarından halallıq istəyib.

“Vəsiyyət edirəm, şəhid olsam, dövlətin mənim üçün ayıracağı vəsait “Kurt-ar” dərnəyi vasitəsilə Təlafərdəki türkman balalar üçün məktəb-baxça və ya mədəniyyət mərkəzi tikilməsi üçün istifadə olunsun və adım qoyulsun”, - şəhid vəsiyyət edib.

Türkiyə mətbuatı həmçinin MHP sədri Dövlət Baxçalının şəhid Musa Özalkanın vəsiyyətini yerinə yetirməyi öz üzərinə götürdüyünü yazıb.

Qeyd edək ki, “Zeytun budağı” əməliyyatı çərçivəsində Kilisin Gülbaba kəndinin cənub-şərqində terrorçularla gedən şiddətli döyüşlərdə şəhid olan türk hərbçi Musa Özalkan Türkiyənin Ayaş bölgəsində yerləşən Bayat kəndində dəfn olunacaq.