Ana səhifə Planet |
21:41
Əgər PYD/YPG qruplaşması İŞİD-ə qarşı təşkil edilən əməliyyatlarda iştirak etməzsə, bizim dəstəyimizi itirəcək.
Axar.az xəbər verir ki, bu sözləri Pentaqon sözçüsü Adrian Rankin Qollavey jurnalistlərə açıqlamasında deyib.
O bildirib ki, ABŞ bölgədə olan qüvvələrə əmr vermir:
“Biz İŞİD-ə qarşı döyüşən qüvvələrə təlim, dəstək və tövsiyə veririk. Onlara əmr vermirik. Bu, bizim işimiz deyil”.
Daha sonra Qollavey Suriyanın şimalını xəritədə göstərərək bunları qeyd edib:
“Deyək ki, buralarda bir yerdə YPG birliyi “Artıq İŞİD-lə mübarizə aparmırıq, Afrindəki qardaşlarımızı dəstəkləməyə gedirik” deyərsə, o zaman meydanda tək qalarlar və bizim müttəfiqimiz ola bilməzlər”.
Sözçü əlavə edib ki, YPG-yə verilən silahlar yalnız İŞİD-ə qarşı mübarizə aparmaq təyinatı daşıyır.
Tarix
2018.01.23 / 22:35
|
Müəllif
Kamran Ədalət
|