Hazırda Suriya deyilən bir şey yoxdur. Böyük güclər onun ərazilərini bölürlər.

Axar.az xəbər verir ki, bunu Rusiya mətbuatına açıqlamasında rusiyalı politoloq Mixail Maqid söyləyib.

“Suriyada bundan sonra qüvvələr balansı belə olacaq: Amerikalılar YPG və bir sıra ərəb tayfalarına dəstək verir, onlar vasitəsilə ölkə ərazisinin 20%-i, neft sahəsinin isə 80%-ni nəzarətdə saxlayırlar. Əsəd və onun müttəfiqləri ölkənin böyük hissəsinə nəzarət edirlər. Rusiya hazırda özünün Yaxın Şərqdəki müttəfiqləri arasında vasitəçi olmağa çalışır. Buna xüsusilə Türkiyə və İran münasibətləri aiddir.

İranlılar Ankaranın öz əməliyyatlarını Tehran əvəzinə Moskva ilə razılaşdırmasını qısqanırlar. İran Prezidenti Həsən Ruhani isə gözlənilmədən bəyanat yayaraq, türk ordusunun Suriyanı dərhal tərk etməsini istəyib”, – deyə o bildirib.