2018.02.14. 11:21

Türkiyənin Baş naziri Binəli Yıldırım Belarus səfəri öncəsi jurnalistlərin suallarını cavablandırıb.

Axar.az xəbər verir ki, Yıldırım Belarusda keçiriləcək görüşlərdən sonra 15 fevralda Almaniyaya səfər edəcəyini bildirib. Baş nazir səfər çərçivəsində Almaniya kansleri Angela Merkellə görüşəcəyini deyib.

“Türkiyə və Almaniya arasında münasibətlər güclü təməllərə sahibdir. İki ölkə arasında mövcud olan bütün məsələləri ətraflı müzakirə etmək üçün fürsətimiz olacaq. “Zeytun budağı” əməliyyatı, terrorla mübarizə də daxil olmaqla, bir çox sahə dəyərləndiriləcək”, - Yıldırım bildirib.

Qeyd edək ki, Merkellə görüşdükdən sonra Münhenə yollanacaq Binəli Yıldırım Münhen Təhlükəsizlik Konfransında iştirak edəcək.

***

Binəli Yıldırım Almaniyanın birinci kanalı ARD-yə müsahibəsində ilginc mesajlar verib.

Merkellə 15 fevralda berlində görüşəcəyini vurğulayan Yıldırım bütün övzuların müzakirəsini hədəflədiyini deyib.

B.Yıldırım bildirib ki, indi Türkiyə ilə Almaniya arasında yeni bir səhifə açmağın zamanı gəlib:

“Merkellə hər mövzunu müzakirə edəcəyimi təxmin edirəm. Biz bunu deyirik: Almaniya Avropanın, Türkiyə isə bölgənin onurğasıdır. Almaniya ilə Türkiyə arasındakı əlaqələr yalnız Türkiyə-AB ilə deyil, bu ölkədə yaşayan 4 milyon türk kökənli insan üçün də önəmlidir. Yeni səhifə açaq, keçmişi unudaq, gələcəyə baxaq və əlaqələri daha da genişləndirək”.