Türkiyənin Qərbdən uzaqlaşması Ermənistan üçün təhdiddir.

Axar.az xəbər verir ki, bunu “1in.am” saytına açıqlamasında erməni politoloq Levon Ovsepyan söyləyib.

“Son günlər Türkiyə, Rusiya və İran Yaxın Şərqdəki maraqlarını yaxınlaşdıra biliblər. Bununla əlaqədar olaraq Türkiyənin regional və təhlükəsizlik siyasəti bizim üçün neqativ nəticələrə səbəb ola bilər. Belə ki, Türkiyə daha qeyri-müəyyən olur, özünə inamı və cəsarəti artır. Bununla da o öz problemlərini situativ müttəfiqlərinin yardımı ilə həll etməyə çalışır. Qərbdən uzaqlaşan Türkiyə regional siyasətdə daha təhlükəli olur. Beləliklə, bizə qarşı müəyyən risklər yaranır” – deyə o bildirib.