Rusiya Prezidenti Vladimir Putin Ukraynaya genişmiqyaslı hücum təşkil edə bilər.

Axar.az xəbər verir ki, bunu “Apostrof” saytına açıqlamasında britaniyalı polkovnik, Ukrayna müdafiə nazirinin keçmiş müttəfiqi Qlen Qrant söyləyib.

“Rusiya ordusu hələlik işğala hazır deyil. Rusiya mətbuatı yazır ki, bunun üçün hələ üç il lazımdır. Digər tərəfdən isə onlar köhnə anbarlara yeni dəmiryol xətləri çəkirlər. Bununla da köhnə silahlarını gün üzünə çıxarmaq imkanı əldə edirlər. Ukrayna hələlik bu aktivliyi dəyərləndirə bilmir.

Onlar hücum etməyə də bilərlər. Əslində bu variant da mümkündür. Onlar sadəcə öz silahlarını ölkənin ətrafına yerləşdirib, onu təhdid edəcəklər. Sadəcə deyəcəklər ki, istənilən an sizi məhv edə bilərik. Bu, Rusiyanın seçəcəyi variantlardan biri olacaq və belə variantlar onlarda çoxdur. Ona görə ki, Rusiyanın Ukraynada olmayan raketləri, Suriyada hazırlanmış pilotları və böyük aviasiyası var. Ruslar istənilən varianta gedə bilər. Onlar kifayət qədər qeyri-müəyyəndirlər”, – deyə o bildirib.