Ana səhifə Planet |
Ermənistan Xarici İşlər nazirinin müavini Şavarş Köçəryan ABŞ-ın “qara siyahısı”na Samvel Karapetyan kimi erməni əsilli oliqarxların düşməsini inkar edib.
Axar.az xəbər verir ki, jurnalistlərə açıqlama verən Köçəryan mətbuatın yazdıqlarının rəsmi informasiya olmadığını və Karapetyanın əsl siyahıya düşməsiylə bağlı məlumatlara sahib olmadığını deyib. Köçəryan həmçinin Ermənistanın ABŞ-la sanksiyalar məsələsini müzakirə etməsinə də aydınlıq gətirib:
“Fikrimcə, qoyulan bəzi məsələlər həqiqətə uyğun deyil. Təhlükə artıb, amma bu o demək deyil ki, biz məsələyə barmaqarası baxırıq”.
O, həmçinin, ABŞ-ın Rusiya hərbi sənayesinə tətbiq etdiyi sanksiyaların Ermənistana təsir edəcəyi haqda da danışıb:
“İrəliyə qaçmaq lazım deyil. Biz hadisələri izləyirik və Rusiya ilə bu sahədə münasibətlərimizi, əməkdaşlığımızı qorumaqda maraqlıyıq. Bu bizim təhlükəsizliyimiz üçün vacib komponentdir”.
Qeyd edək ki, Samvel Karapetyanın adı ABŞ-ın hazırladığı “Kreml hesabatı”na düşüb. Vaşinqton onu Kremllə sıx əlaqələrdə ittiham edib.
Tarix
2018.02.15 / 17:29
|
Müəllif
İlkin Həsənov
|