Türkiyə yalnız deyil, Türkiyəni zəiflətməyə sizin gücünüz çatmaz.

Axar.az xəbər verir ki, bu sözləri millət vəkili Qənirə Paşayeva Türkiyənin Aydın rayonunun Nazilli səmtində yerləşən Şirinevlər məhəlləsində Qarabağ parkı və Xocalı abidəsinin açılış mərasimində çıxışı zamanı deyib.

Sözügedən parkın yaradılmasından çox məmnun olduğunu bildirən Paşayeva bunun iki dövlət arasındakı bağları daha da sıxlaşdıracağını vurğulayıb:

“Bu gün müxtəlif terror qruplaşmaları vardır: PKK, PYD, YPG, fərq etməz, hamısı bir terror qrupunun parçalarıdır. Türkiyəni zəiflətmək istəyənlərə buradan səslənirəm: Türkiyə yalnız deyil, onu zəiflətməyə gücünüz çatmaz. Türkiyə üçün canını verməyə hazır olan, mən də daxil, türk millətinin onmilyonlarla övladı var. Türkiyənin güclü olması türk xalqlarının güclü olması anlamına gəlir.

Türkiyə güclüdürsə, Azərbaycan daha güclü olacaq. Qarabağ mübarizəmiz daha güclü olacaq. BMT, BMT Təhlükəsiz Şurası, Ermənistana basqı etməyənlər, Azərbaycan orada yalnız deyil. Azərbaycan üçün canını qurban verməyə hazır olan milyonlarla türk var”.