22:50

Fevralın 21-də səhər saatlarında Peruda sərnişin avtobusunun uçuruma aşması nəticəsində azı 30 nəfər həlak olub, 22 nəfər isə yaralanıb.

Axar.az xəbər verir ki, qəza Arekipa regionunda qeydə alınıb. İlkin məlumata əsasən, sürücü idarəetməni itirib və avtobus Panamerika şosesindən çıxaraq 200 metr hündürlükdən uçuruma yuvarlanıb.

Ölkə Prezidenti Pedro Kuçinski həlak olanların ailə üzvlərinə başsağlığı verib.

***

Peruda sərnişin avtobusunun uçuruma aşması nəticəsində həlak olanları sayı 44 nəfərə çatıb.

Bunu TV Peru telekanalına Yerüstü Nəqliyyat Nazirliyinin baş direktoru Paul Konça bildirib.

Onun sözlərinə görə, daha 10 nəfər ağır yaralanıb.