Ana səhifə Planet |
PKK-nin Afrinə rəhbər olaraq təyin etdiyi şəxslərdən biri olan Abdo Hayr qızğın döyüşlərin getdiyi Afrindəki villasında zəngin həyatına davam edir.
Axar.az xəbər verir ki, bahalı villaları, tabeliyində yüzlərlə döyüşçüsü, narkotik tərkibli bitkilərin əkildiyi hektarlarla tarlaları olan Hayrın həmçinin klassik avtomobillərdən ibarət kolleksiyası var.
Abdo Hayr Afrində sahib olduğu 8 müxtəlif narkotik emalatxanasında 13-18 yaş arası yeniyetmələri çalışdırır. Tikmədaş, Cinderes, Raco və Deyr is-Van ərazilərində yüzlərlə hektar ərazidə öz çirkli ticarəti üçün xammal istehsal edir.
Afrinə nəzarətdə önəmli rola malik Abdo Hayr sosial şəbəkələrə, Abdullah Öcalan, Hizbullah və Bəşər Əsədə qarşı xüsusi sevgi nümayiş etdirir. Afrində hər biri 1.5 milyon dəyərində 5 villası olan terrorçu cins atları sevdiyi üçün yaratdığı fermaya 4 milyon dollardan çox pul yatırıb.
Abdo Hayr terror qruplaşmasının əmrlərini icra etməyən şəxslərə verdiyi əzablarla tanınır. O, 2017-ci ilin əvvəlində 3 ay ərzində Hələbdə qalaraq, 500-ə yaxın PKK-çının Afrinə daxil olmasına zəmin hazırlayıb.
Türkiyə Silahlı Qüvvələrinin “Zeytun budağı” əməliyyatı ilə narkotik transferi marşrutu bağlanan Hayra PKK rəhbərliyinin yeni marşrut tapması üçün təlimat verdiyi bildirilir.
Tarix
2018.02.22 / 11:26
|
Müəllif
Orxan Tağıyev
|