Türkiyə Xarici İşlər Nazirliyi Hollandiya parlamentinin 1915-ci il qondarma erməni soyqırımı ilə bağlı qəbul etdiyi qətnaməni qınayıb.

Axar.az xəbər verir ki, nazirliyin yaydığı bəyanatda sözügedən qərarın nə tarixdə, nə də ədalətdə yeri olduğu bildirilib.

“Hollandiya parlamentinin qəbul etdiyi bu qərarı şiddətlə qınayırıq. Avropanın ortasında Serebrenistsa qətliamına göz yuman bir ölkə parlamentinin bu addımı həqiqətlə uzlaşmır. Dolayısıyla heç bir hüquqi əsası yoxdur. Türkiyənin 1915-ci il olayları ilə bağlı mövqeyi tarixi faktlara əsaslanır. Avropa İnsan Haqları Məhkəməsi də bu xüsusdə bizim haqlı olduğumuzu bildirir”, - bəyanatda deyilib.

Xatırladaq ki, bir neçə saat əvvəl Hollandiya parlamentinin üst palatası 1915-ci il qondarma erməni soyqırımı ilə bağlı irəli sürülən qətnaməni qəbul edib.