Ana səhifə Planet |
Rusiya ABŞ-la hər zaman bütün məsələləri müzakirə etməyə hazırdır.
Axar.az xəbər verir ki, bunu NBC televiziyasına müsahibəsində Rusiya Prezidenti Vladimir Putin söyləyib.
“Məncə, indiki ABŞ prezidenti danışıqlar aparılmasının tərəfdarıdır. Lakin bəzi qüvvələr var ki, ona bu addımı atmağa imkan vermir. Biz istənilən problemin, o cümlədən raket, kibertəhdid məsələlərinin istənilən an müzakirəsinə hazırıq”, – deyə o bildirib.
O, Rusiyanın ABŞ-dakı prezident seçkisinə müdaxilə etmədiyini deyib:
“Biz müdaxilə ilə hansı məqsədlərə çata bilərdik? Heç bir məqsəd yoxdur. ABŞ isə hər zaman bizim seçkiyə müdaxilə edir və bunu gizlətmir. Biz bunu onlara söyləyəndə buna hətta etiraz belə etmirlər”.
Putin həmçinin mətbuatda özünün aşpazı kimi tanınan Yevgeni Priqojinin Amerikadakı seçkilərə müdaxiləsi olmadığını bildirib:
“Mən onu dostum hesab etmirəm. Bu, sadəcə, faktların təhrif edilməsidir. O, biznesmendir və restoran biznesində çalışır. O, rəsmi şəxs deyil və bizim heç bir əlaqəmiz yoxdur”.
Tarix
2018.03.10 / 09:56
|
Müəllif
İlkin Həsənov
|