Ana səhifə Planet |
Suriyanın paytaxtı Dəməşqin şəhərətrafında yerləşən Şərq Quta bölgəsində xlor tərkibli kimyəvi maddə Nüsrə Cəbhəsi terror qruplaşmasının döyüşçüləri tərəfindən tətbiq edilib.
Axar.az Publika.az-a istinadla xəbər verir ki, bu haqda BMT Təhlükəsizlik Şurasının iclasında Rusiyanın BMT-dəki daimi nümayəndəsi Vasili Nebenzya bildirib.
Onun sözlərinə görə, terrorçular martın 5-də kimyəvi maddə tətbiq ediblər və nəticədə 30 dinc sakin zərər çəkib. Rusiyalı diplomat bildirib ki, bu, suveren Suriyaya qarşı birtərəfli güc tətbiqinə əsaslar yaratmaq üçün edilir.
Qeyd edək ki, iclasda daha əvvəl çıxış edən ABŞ-ın BMT-dəki daimi nümayəndəsi Nikki Heyli Birləşmiş Ştatların Suriya üzrə yeni hərbi addımlara hazır olduğunu bildirib.
Suriya Prezidenti Bəşər Əsəd bildirib ki, Qərb Suriyaya zərbə endirməyə səbəb kimi kimyəvi silahın tətbiqi bəhanəsindən istifadə edir. Rəsmi Dəməşq dəfələrlə vurğulayıb ki, ölkədə kimyəvi silahın bütün ehtiyatları məhv edilib.
Həmçinin, Suriyanın Xarici İşlər Nazirliyi bildirib ki, Şərqi Qutada döyüşçülər Dəməşqi ittiham etmək üçün kimyəvi hücumu səhnələşdirmək niyyətindədir.
Tarix
2018.03.13 / 02:25
|
Müəllif
Axar.az
|