Reks Tillersonun rəhbərliyi dövründə ABŞ-ın xarici diplomatiyası işlək vəziyyətdə olmayıb.

Axar.az xəbər verir ki, bu sözlər Türkiyə prezidentinin baş müşaviri İlnur Çevikin “Yeni Birlik” qəzetindəki məqaləsində yer alıb.

“Tramp Tillersonun belə fəaliyyətindən məmnun deyildi. YPG və PYD-yə dəstək olan Pentaqon xarici siyasətdə daha üstün bir rol əldə etmişdi. Trampın Ağ Evi bu işdə böyük sıxıntılar yaşayırdı. İndi Dövlət Departamentinə şahin Pompeonu və Mərkəzi Kəşfiyyat İdarəsinə isə Hespeli gətirməklə Ağ Ev Pentaqonun yüksələn gücündə balans yaratmağa çalışır.

Hespel ABŞ dərin dövlətinin önəmli şəxslərindən biridir. O, MKİ-nin qaranlıq əməliyyatlarının da başında dayanır. Bundan sonrakı dönəmdə Hespeldən məxfi əməliyyatlarla həyata keçirilən sui-qəsdlər və yeni partlayışlar gözləmək olar. Bəs bu, Türkiyə üçün nə deməkdir? Amerikalılar bundan sonra YPG və PYD-yə arxalarını çevirəcəklər, amma Türkiyədən bunun üçün böyük hədiyyələr almaq istəyəcəklər. Bu da İran məsələsi ola bilər. Üstəlik, Türkiyənin Vaşinqtonla yaxınlaşması üçün bəzi addımlar atmasını gözləyə bilərlər”, – deyə o qeyd edib.