Ana səhifə Planet |
Bu gün - 17 mart Rusiyada prezident seçkiləri ilə bağlı sükut günüdür. Bu gün televiziyalarda, mətbu nəşrlərdə və internetdə bütün növ seçkiqabağı təşviqat, həmçinin partiya tədbirləri və mitinqlər qadağan olunur. Eyni zamanda, səsvermə günü də saat 21:00-dək (sonuncu seçki məntəqəsi bağlananadək) təşviqat aparmaq olmaz.
Axar.az xəbər verir ki, sabah - martın 18-də Rusiyada prezident seçkiləri keçiriləcək. Prezidet kürsüsü uğrunda 8 namizəd - Vladimir Putin, Kseniya Sobçak, Serqey Baburin, Pavel Qrudinin, Vladimir Jirinoviski, Maksim Suraykin, Boris Titov və Qriqori Yavlinski mübarizə aparacaq.
66 yaşlı Vladimir Putin bu seçkinin favoriti hesab edilir. 2000-ci ildən 2008-ci ilə qədər prezident, 2008-ci ildən 2012-ci ilə qədər baş nazir, 2012-ci ildən isə yenidən prezident olan V.Putin bu dəfə də pezident kürsüsünə iddialıdır.
Tarix
2018.03.17 / 12:33
|
Müəllif
Nigar İxtiyarqızı
|