Britaniya Baş naziri Tereza Meyin Britaniyada Rusiya kəşfiyyatının imkanlarını məhv edəcəyi ilə bağlı sözləri uşaq sadəlövhlüyü və qeyri-peşəkarlığın təzahürüdür.

Axar.az xəbər verir ki, bu bəyanatla Rusiya Xarici Kəşfiyyat Xidmətinin rəhbəri Sergey Narışkin çıxış edib.

Qeyd edək ki, Britaniya keçmiş casus Sergey Skripalın zəhərlənməsində Rusiyanı təqsirkar bilir. London buna cavab olaraq 23 rus diplomatının ölkədən çıxarılması haqqında qərar verib. Britaniya Baş naziri Tereza Mey bu diplomatları qovmaqla Rusiya kəşfiyyatının ölkədəki fəaliyyətini uzun müddət təsirsiz hala gətirə biləcəklərini açıqlayıb.