Mavrikinin ilk qadın Prezidenti Əminə Qurib-Fakim barəsində yayılan rüşvətxorluq iddialarına görə istefa verib.

Axar.az xəbər verir ki, Qurib-Fakimin vəkili Yusif Məhəmməd prezidentin ölkəsinin mənfəəti üçün istefa verdiyini deyib. Konstitusiya böhranının qarşısını almaq üçün istefa verdiyini bildirən prezident haqqındakı rüşvətxorluq iddialarını qəbul etməyib və heç kimdən pul və ya dəyərli əşya almadığını bildirib.

Qurib-Fakimin istefasının 23 martda qüvvəyə minəcəyi bildirilir.

Qeyd edək ki, Mavriki Baş naziri Pravind Yuqnauz ötən həftə prezidentin istefa verəcəyini desə də, Qurib-Fakim bunu təkzib etmişdi.