Ana səhifə Planet |
Ukrayna hərbçiləri hərbi çevrilişdə iştirak etməyə hazırdır.
Axar.az xəbər verir ki, bu qalmaqallı sözləri Radanın millət vəkili Nadejda Savçenko deyib. Onun sözlərinə görə, Ukraynada lazım olduğundan da artıq hərbçilər var ki, mövcud hakimiyyətin devrilməsini istəyirlər.
Deputat deyib ki, USQ keçmiş prezident Viktor Yanukoviçə qarşı çıxmağa da hazır idi.
“Hərbçilər – iş adamlarıdır. Onlar az danışırlar, yalnız əmrləri icra edirlər, ancaq hədəfləri var”, - Savçenko “Strana.u.a” portalına açıqlamasında deyib.
Qeyd edək ki, Baş prokuror Yuri Lutsenko Savçenkonu Ali Radada terakt törətmək istəyində ittiham edib. Onun sözlərinə görə, millət vəkili minamyotla Ali Radanı vurmaq və avtomatla sağ qalanları öldürmək istəyib.
Millət vəkili bu ittihama cavab olaraq, baş prokurorun başının xarab olduğunu bildirib.
Milli Qəhrəman adı daşıyan Saçvenko radada komitə üzvlüyündən kənarlaşdırılıb.
Tarix
2018.03.18 / 00:18
|
Müəllif
Axar.az
|