Ana səhifə Planet |
Krımla bağlı bəyanat yayan Türkiyə Xarici İşlər Nazirliyi müharibədən sonra imzalan Rusiya-Türkiyə razılaşmalarında Rusiyanın Krım üzərindəki suverenliyini qeyri-şərtsiz və qəti olaraq tanıdığını unutmamalıdır.
Axar.az xəbər verir ki, bu sözləri Rusiya prezidentinin Krımdakı rəsmi nümayəndəsi Georgi Muradov deyib.
“Təəssüf ki, Türkiyə Xarici İşlər Nazirliyi həmişi xatırlamalı olduğu bir şeyi – müharibə sonrası imzalanmış Rusiya-Türkiyə razılaşmalarını unudur. Xatırladıram ki, razılaşmalara əsasən, Türkiyə Rusiyanın Krım üzərindəki suverenliyini qeyd-şərtsiz və qəti olaraq tanıyıb. Vurğulayıram: yalnız Rusiyanın suverenliyi, başqa heç kimin!” - Muradov bildirib.
Muradovun sözlərinə görə, tərəflər arasında Krımla bağlı başqa heç bir müqavilə imzalanmayıb:
“Tarix göstərir ki, qanlı müharibələrin yekunları ilə bağlı müqavilələri unutmaq, o cümlədən onları yox saymaq çox təhlükəlidir”.
Xatırladaq ki, 1768-1774-cü illərdə baş verən Osmanlı-Rusiya müharibəsi türklərin Krımda hakimiyyətinə son qoyub və 1774-cü ildə imzalanmış Kiçik Qaynarca sülhünə əsasən, Osmanlı imperiyası Krımı Rusiyaya güzəştə gedib. 1783-cü ildə Krım yarımadası Rusiya imperiyasının tərkibinə daxil edilib.
Tarix
2018.03.18 / 00:59
|
Müəllif
Orxan Tağıyev
|