Ana səhifə Planet |
Rusiya-Amerika münasibətlərindəki gərginlik dünyanın müxtəlif yerlərində təsadüfi, lokal müharibələrə səbəb ola bilər.
Axar.az xəbər verir ki, bunu "Haqqin.az" saytına açıqlamasında Latviyanın eks-prezidenti Valdis Zatlers söyləyib.
"Hər iki tərəf yaranan çətin situasiya ilə bağlı ehtiyatlı olmağa çalışır. Suriya konflikti vəkalət savaşıdır. Burada ABŞ və Rusiyadan başqa, İran, Türkiyə, Səudiyyə Ərəbistanı və digər ölkələr savaşır. Belə konfliktlərdə həll tapmaq çox çətindir. Moskvadan hazırda istənilən qeyri-adi qərarı, hətta özünütəcridi belə gözləmək olar. Rusiya SSRİ-nin çöküşündən sonra dünya ictimaiyyətinə inteqrasiya olunub. Artıq Berlin divarını bərpa etmək mümkün olmayacaq. Dünyada bir-biriylə savaşan iki ideoloji düşərgə yoxdur. Rusiya özünütəcridə gedir, amma onunla bu yolu Avrasiya İttifaqı və KTMT-dəki müttəfiqləri getməyə razı olacaqlarmı?" - deyə o bildirib.
Tarix
2018.03.18 / 14:58
|
Müəllif
İlkin Həsənov
|