Ana səhifə Planet |
Türkiyənin keçmiş təhsil, gənclik, idman naziri olan Həsən Cəlal Gözəl 73 yaşında vəfat edib.
Axar.az xəbər verir ki, Dənizlidən ötən gün helikopter vasitəsilə Ankaraya gətirilən Gözəl “Güvən” xəstəxanasında dünyasını dəyişib.
Mərhumun oğlu Mustafa Veysi Gözəl atasının ağciyər infeksiyası və bağırsaq problemi olduğunu açıqlayıb.
Qeyd edək ki, Həsən Cəlal Gözəl Türkiyədə Başnazirlik müşaviri, İqtisadiyyat və Sosial İşlər naziri, Daxili İşlər Nazirliyində müşavir kimi vəzifələrdə çalışıb. 1983-cü ildə 38 yaşında Baş nazirlikdə müşavir təyin edilib. Daha sonra 1986-cı ildə Ana Vətən Partiyasını təmsil edən Gözəl millət vəkili seçilib. Bundan sonra o, milli təhsil və gənclik, idman naziri vəzifələrini daşıyıb.
Azərbaycana çox bağlı olan Gözəl Bakıda keçirilən tədbirlərdə vaxtaşırı iştirak edirdi. O, Ermənistanın törətdiyi vəhşiliklərə ən kəskin etirazını bildirən, Ermənistanı dövlət deyil, terror təşkilatı olduğunu bəyan edən ictimai xadim idi.
Tarix
2018.03.19 / 11:05
|
Müəllif
Orxan Tağıyev
|