ABŞ və Avropa Birliyi hazırda Moskva ilə münasibətlərə yenidən nəzər yetirirlər.

Axar.az xəbər verir ki, bunu "Haqqin.az" saytına müsahibəsində BMT-nin Ukraynadakı sisteminin koordinatoru, irlandiyalı diplomat Frensis Odonnel söyləyib.

"Avropada heç bir dövlət, hətta Britaniya Rusiya ilə münasibətlərin tam ortadan qaldırılmasında maraqlı deyil. Doğrudur, Sergey Skripalın ölümündən sonra 23 rus diplomatı Londondan çıxarır və gərginlik pik həddə çatdı. Putinin yenidən prezident seçilməsi isə bu gərginliyin hələ uzun müddət qalacağını göstərir. Skripal məsələsinin BMT-də müzakirəsi müsbət addım idi. Bu, birbaşa dialoq imkanları yaradacaq, təhlükəli və dünyaya təhdid yaradacaq qərarların verilməsinə maneə yaradacaq.

Başqa problem isə rus qazı məsələsidir. Hazırda Almaniya rus qazının alınmasında maraqlıdır. Fransa və Britaniya isə buna qarşıdırlar. Onlar bu qazı Kanadadan alırlar. Trampın enerji resurslarını Avropaya göndərmək niyyətinin də perspektivi yoxdur.

Rusiya prezidentinin qeyri-müəyyən trayektoriyalı raketlərə sahib olmaları ilə bağlı dediklərindən şübhə edirəm. Amerika kəşfiyyatı təsdiq edir ki, belə sistemlər Rusiyada yoxdur. Artıq 20 ildir Rusiyada bunu düzəltməyə cəhd edirlər, amma heç nə bacarmırlar. Bir sözlə, bizə ruslar silahlarının təqdimatında cizgi filmindən başqa heç nə göstərmədilər. Bəli, Rusiyanın yüksək texnilogiyalı silah yaratmaq fikri var, amma bu hələ də plan səviyyəsində qalır. Ona görə də Putinin hipersonik silah haqqında dedikləri sadəcə seçkiqabağı təşviqat kampaniyasının bir hissəsi idi. Rusiya sadəcə digər qlobal oyunçularla hər cür rəqabətə girə biləcəyini göstərir", - deyə o bildirib.