İrəvan məhkəməsi Təsisçi Parlament Hərəkatının lideri Jirayr Səfilyanı 10,5 il həbs cəzasına məhkum edib.

Axar.az xəbər verir ki, Səfilyan kütləvi iğtişaşların təşkilində, qanunsuz silah əldə etməkdə, binaların ələ keçirilməsinə hazırlıqda ittiham edilib.

Səfilyanla bərabər həbs edilən Gevork Safaryana 5,6 il, Nerses Poqosyana 3,6 il, Qalust Qriqoryana və Qrayr Topçyana 3 il, Sasunik Kirakosyana 3,6 il, Ovanes Petrosyana isə 2 il həbs cəzası verilib.

Qeyd edək ki, Səfilyan 2015-ci ildən həbsdədir. O, Ermənistanda konstitusiya dəyişikliklərinin əsas əleyhdarı olub. 2016-cı ildə tərəfdarları Səfilyanın azad edilməsi üçün İrəvandakı polis postlarından birini ələ keçirsələr də, sonradan bu ərazini boşaltmış və təslim olmuşdular.