Ana səhifə Planet |
Birləşmiş Ərəb Əmirliklərinin ABŞ-dakı lobbiçilik fəaliyyətinə nəzarət edən əslən livanlı iş adamı Corc Naderin 2015-ci ildə bəzi ərəb liderləri ilə gizli toplantı təşkil etdiyi müəyyən olunub.
Axar.az xəbər verir ki, bu barədə Britaniyanın "Middle East Eye" saytı məlumat yayıb. Görüşün 2015-ci ildə, Qırmızı dənizdə Naderin yaxtasında baş tutduğu bildirilib. Nader ərəb liderlərə 6 ərəb dövlətinin iştirakı ilə xüsusi regional təşkilat yaratmağı təklif edib. Görüş zamanı Nader bu təşkilatın Türkiyə və İrana qarşı faəliyyət aparacağını və onun ABŞ tərəfindən dəstəklənəcəyini deyib.
Qeyd edək ki, iş adamının təşkil etdiyi toplantıya Səudiyyə Ərəbistanının vəliəhdi Məhəmməd bin Salman, Əbu Dabinin vəliəhdi Məhəmməd bin Zayid əl Nahyan, Misir Prezidenti Əbdülfəttah Sisi, Bəhreyn vəliəhdi Salman bin Hamad əl-Xəlifə və İordaniya kralı II Abdullah qatılıb.
Tarix
2018.03.20 / 16:40
|
Müəllif
İlkin Həsənov
|