Türkiyə Silahlı Qüvvələri azad edilən Afrin şəhər mərkəzində terrorçulara aid sığınacaq və silah anbarlarının axtarışına başlayıb.

Axar.az xəbər verir ki, barikadalarda aparılan axtarış əməliyyatında xüsusi təyinatlı METİ dəstəsinə həmçinin Gürbüz, Asir və Leylak adlı xüsusi təlim keçmiş bomba-axtarış itləri də kömək edib.

Məlumata görə, axtarış əməliyyatlarında bununla yanaşı Dəniz Qüvvələri Komandanlığına tabe SAT komandosları da cəlb olunub. Aparılan yoxlamalar zamanı terrorçu mövqelərində çox sayda partladıcı qurğu və minalar tapılıb.

Qeyd edək ki, “Zeytun budağı” əməliyyatı Türkiyə sərhədi yaxınlığında yaradılan terror koridorunun məhv edilməsi üçün başladılıb.