Ana səhifə Planet |
Türkiyə Silahlı Qüvvələrinin terrorçulardan azad etdiyi Afrin şəhər mərkəzində PKK-PYD terrorçularının qərargah olaraq istifadə etdiyi bina aşkarlanıb.
Axar.az xəbər verir ki, binaya baxış keçirən türk ordusu zirzəmi hissəsində böyük bir mətbəə olduğunu müəyyən edib.
Binada PKK lideri Abdullah Öcalanın fotoları ilə yanaşı “Zeytun budağı” əməliyyatı çərçivəsində öldürülən bir çox terrorçu liderinin şəkilləri asılıb. Zirzəmi hissədə aşkar edilən mətbəədə məktəblilərə terror təbliğatının aparılması üçün istifadə edilən bir çox materialın aşkarlandığı bildirilib. Bundan əlavə binadakı otaqlardan birində terrorçuların hərbi formaları aşkar edilib. Hərbi formaların tapılması YPG terrorçularının türk ordusu Afrinə girmədən əvvəl geyimlərini dəyişərək ərazidən qaçdığı iddiasını təsdiq edib.
Qeyd edək ki, “Zeytun budağı” əməliyyatı yanvarın 20-də başladılıb.
Tarix
2018.03.23 / 17:49
|
Müəllif
Orxan Tağıyev
|