50 milyon Feysbuk istifadəçisinin məlumatlarını qeyri-qanuni şəkildə istifadə edən Kembric Analitik Şirkətinin Britaniya Müdafiə Nazirliyi ilə razılaşdığı üzə çıxıb.

Axar.az xəbər verir ki, nazirliyin azı dörd dəfə sözügedən şirkətlə məlumatların analizi məsələsində işbirliyi qurduğu bildirilib. Məlumata görə, tərəflər arasında sonuncu dəfə bu ilin fevralında razılaşma imzalanıb.

Qeyd edək ki, Kembric Analitik Şirkəti tərəfindən 50 milyon Feysbuk istifadəçisinin məlumatları qeyri-qanuni şəkildə istifadə edilib. Firma Donald Trampın seçki kampaniyasını internet üzərindən aparıb. Eyni zamanda, britaniyalı Breksit tərəfdarı olan siyasətçilərə soydaşlarını Avropa Birliyindən çıxmaqda inandırmaq məsələsində dəstəkləyib. Feysbuk məlumatlı olsa da, iki il ərzində bu qanun pozuntusu haqqında qərar verməyib. Məlumatın mediada yayılmasından sonra Votsapın qurucusu Brayan Ekton Tvitterdə #Feysbukusil həştəqi ilə kampaniya başladıb. Elon Mask da kampaniyaya qoşularaq rəhbəri olduğu “SpeysX" və "Tesla" şirkətlərinin Feysbuk səhifələrini silib.