Koalisiyanın Suriyaya endirdiyi zərbələr blokun qüdrətini nümayiş etdirməsidir. Beynəlxalq hüququn mövcud olması onların vecinə belə deyil.

Axar.az xəbər verir ki, bu sözləri rusiyalı hərbi ekspert Viktor Litovkin deyib.

“ABŞ-ın təsəvvürünə görə, o, dünyada yeganə hakim, prokuror və cəllad rolunu oynayır. Liviyada olduğu kimi, Suriyaya zərbə endirməkdə, İraqın işğalında və Əfqanıstandakı iştirakda bu, onların təqib etdiyi əsas məqsəddir”, - ekspert bildirib.

Litovkin əlavə edib ki, ABŞ-ın və müttəfiqlərinin Suriyadakı hücumları fonunda terrorçu qruplar yenidən canlana bilər:

“Terrorçulara qarşı mübarizə aparan dövlət və silahlı qüvvələrə hücum ediləndə, terrorçular başlarını qaldırırlar və yenidən canlanırlar. Buna görə də yaraqlılar Suriyaya hücuma davam edəcəklər. Bundan başqa, ABŞ Suriya rejimini dəyişdirmək üçün İŞİD-dən istifadə etmişdi. Ancaq bu onlarda alınmadı... İndi onlar Suriyadan suveren dövlət olaraq qaldığı və ABŞ-ın qarşısında baş əymədiyi üçün intiqam alırlar”.